အက်တမ် (ATOM) ပညာသင်ဆုအစီအစဉ်

အက်တမ် (ATOM) ပညာသင်ဆုအစီအစဉ်သည် ငွေကြေးလိုအပ်ချက် ရှိပြီး ပညာရေးထူးချွန်သော ကျောင်းသား၊ ကျောင်းသူများ အဆင့်မြင့်တက္ကသိုလ်ပညာရေးကို လက်လှမ်းမီနိုင်စေရန် ရည်ရွယ်ဖန်တီးထားသော အစီအစဉ်ဖြစ်ပါသည်။ အက်တမ် (ATOM) မြန်မာ သည် ထူးချွန်ထက်မြက်သည့် လူငယ်များ တက္ကသိုလ်ပညာရေးကို ဆက်လက်သင်ယူနိုင်ရန် လိုအပ်သော ငွေကြေးဆိုင်ရာ အထောက်အပံ့များကို ပံ့ပိုးပေးခြင်းဖြင့် လူငယ်များ၏ စွမ်းဆောင်ရည်ကို မြှင့်တင်ပေးနိုင်ရုံမျှမက လူမှုအသိုင်းအဝိုင်းအတွင်း အပြုသဘောဆောင်ကာ ရေရှည်တည်တံ့မည့် ကောင်းကျိုးများကိုပါ ဖန်တီးပေးနိုင်ရန် ရည်ရွယ်ပါသည်။

ဤပညာသင်ဆုအစီအစဉ်ကို မြန်မာနိုင်ငံတစ်ဝန်းရှိ သတ်မှတ်အရည်အချင်းပြည့်မီသော ကျောင်းသား/ကျောင်းသူများ လျှောက်ထားနိုင်ပြီး အောက်ပါရည်ရွယ်ချက်များဖြင့် အကောင်အထည်ဖော် ဆောင်ရွက်သွားမည်ဖြစ်ပါသည်။

• အဆင့်မြင့်ပညာရေးကို ဆက်လက်သင်ယူလိုပြီး ငွေကြေးလိုအပ်ချက် အမှန်တကယ်ရှိသော ပညာရေးထူးချွန်ကျောင်းသား၊ ကျောင်းသူများအား ပံ့ပိုးကူညီရန်။
• လစဉ် ပညာသင်ထောက်ပံ့ကြေး ကျပ် ၃၀၀,၀၀၀ နှင့် စာအုပ်ဖိုးနှင့် တက္ကသိုလ်ကျောင်းအပ်နှံကြေးအတွက် နှစ်စဉ် ကျပ် ၅၀၀,၀၀၀ ထောက်ပံ့ပေးခြင်းဖြင့် ငွေကြေးအခက်အခဲများကို လျှော့ချရန်။
• အရည်အသွေးမြင့်ပညာရေးကို တန်းတူညီမျှ လက်လှမ်းမီစေရန် အားပေးကာ အရည်အချင်းရှိ လူငယ်များ၏ ပညာရေးနှင့် အသက်မွေးဝမ်းကျောင်း ရည်မှန်းချက်များကို အကောင်အထည်ဖော်နိုင်မည့် အခွင့်အလမ်းများ ဖန်တီးပေးရန်။
• နောင်လာမည့် မျိုးဆက်သစ် ကျွမ်းကျင်ပညာရှင်များကို ရင်းနှီးမြှုပ်နှံပံ့ပိုးခြင်းဖြင့် မြန်မာနိုင်ငံ၏ ရေရှည်ဖွံ့ဖြိုးတိုးတက်ရေးကို အထောက်အကူပြုရန်။
• လူငယ်များကို ပညာရေးမှတစ်ဆင့် စွမ်းဆောင်ရည်မြှင့်တင်ပေးခြင်းဖြင့် အက်တမ် (ATOM) ၏ တာဝန်သိလူမှုအကျိုးပြု မဏ္ဍိုင်တစ်ခုဖြစ်သည့် “လူမှုဘဝနှင့် ပညာရေး ဖွံ့ဖြိုးတိုးတက်ရေး" ကတိကဝတ်ကို ပိုမိုခိုင်မာစေရန်။

ပညာသင်ဆုလျှောက်ထားရန် - forms.gle/SZgDznaE95DiwJdJ9
ပညာသင်ဆုအရေအတွက် - ၁၀ ဦး
လျှောက်လွှာနောက်ဆုံးတင်သွင်းရမည့်ရက် - ၂၀၂၆ ခုနှစ်၊ စက်တင်ဘာလ ၃၀ ရက်