Talent Accelerator Program (TAP)

Talent Accelerator Programme (TAP) သည် ATOM ၏ အထူးဖန်တီးထားသော လူငယ်အလုပ်အကိုင်ဖွံ့ဖြိုးရေးအစီအစဉ်တစ်ခုဖြစ်ပြီး တက္ကသိုလ်နောက်ဆုံးနှစ် ကျောင်းသားကျောင်းသူများနှင့် ဘွဲ့ရပြီးစလူငယ်များ ကျောင်းပညာရေးမှ လုပ်ငန်းခွင်သို့ အောင်မြင်စွာ ကူးပြောင်းဝင်ရောက်နိုင်ရန် ပံ့ပိုးကူညီပေးမည့် အစီအစဉ်တစ်ခု ဖြစ်ပါသည်။ ၁၂ လမှ ၁၈ လကြာမြင့်မည့် အဆိုပါ စနစ်တကျ ရေးဆွဲထားသော အစီအစဉ်ကာလအတွင်း ပါဝင်သူများသည် လက်တွေ့လုပ်ငန်းပရောဂျက်များတွင် လုပ်ကိုင်ခြင်း၊ လုပ်ငန်းဌာနခွဲအသီးသီးမှ အဖွဲ့များနှင့် ပူးပေါင်းဆောင်ရွက်ခြင်း၊ နှင့် တန်ဖိုးရှိပြီး ထိရောက်မှုရှိသော အဓိပ္ပာယ်ပြည့်ဝသည့် လုပ်ငန်းစဉ်များတွင် ပါဝင်ဆောင်ရွက်ခြင်းတို့မှတစ်ဆင့် လက်တွေ့လုပ်ငန်းအတွေ့အကြုံများကို ရရှိမည်ဖြစ်သည်။

အစီအစဉ်တစ်လျှောက်လုံးတွင် ပါဝင်သူများသည် အတွေ့အကြုံရှိ လမ်းညွှန်ပြသပေးသူများ (Mentors) ထံမှ လမ်းညွှန်မှုများကို ရရှိမည်ဖြစ်ပြီး၊ စနစ်တကျ သင်ယူလေ့လာရေးနှင့် ဖွံ့ဖြိုးတိုးတက်ရေး အခွင့်အလမ်းများတွင် ပါဝင်ကာ ယနေ့ခေတ် လျင်မြန်စွာပြောင်းလဲနေသော လုပ်ငန်းခွင်တွင် အောင်မြင်မှုရရှိရန် လိုအပ်သည့် နည်းပညာဆိုင်ရာ၊ ပညာရပ်ဆိုင်ရာနှင့် ခေါင်းဆောင်မှုဆိုင်ရာ စွမ်းရည်များကို တည်ဆောက်သွားနိုင်မည် ဖြစ်ပါသည်။ TAP အစီအစဉ်ကို လူငယ်များအနေဖြင့် လုပ်ငန်းခွင်ဆိုင်ရာ ဗဟုသုတများ ဖွံ့ဖြိုးတိုးတက်လာစေရန်၊ ယုံကြည်မှု ပိုမိုခိုင်မာလာစေရန်နှင့် ရေရှည် အသက်မွေးဝမ်းကျောင်း အောင်မြင်မှုအတွက် ပြင်ဆင်နိုင်ရန် အထူးရည်ရွယ် ဖန်တီးထားခြင်း ဖြစ်ပါသည်။

စိတ်ဝင်စားသည့် လူငယ်များအနေဖြင့် မြန်မာနိုင်ငံ၏ ထိပ်တန်း တယ်လီကွန်း ကုမ္ပဏီတစ်ခုတွင် မိမိတို့၏ အလားအလာများကို ဖော်ထုတ်ရန်၊ ကွန်ရက်ချိတ်ဆက်မှုများကို ကျယ်ပြန့်စေရန် သို့မဟုတ် အသက်မွေးဝမ်းကျောင်းလမ်းကြောင်းကို စတင်ရန်အတွက် TAP အစီအစဉ်က အနာဂတ်အတွက် အသင့်ဖြစ်နေသော ကျွမ်းကျင်ပညာရှင်များအဖြစ် ကြီးထွားလာစေရန် လိုအပ်သည့် အခြေခံအုတ်မြစ်နှင့် အခွင့်အလမ်းများကို ဖန်တီးပေးမည် ဖြစ်ပါသည်။